/p. 311/ DIALOGUS XLVIII.
De tactu et titillatione.
Alex –
Voluptas (parcite auribus vestris
vos, o pueri, pudoris alumni, qui
in Naturae dedecus partes
illas nobilissimas, quae procreationis
magistrae sunt et opifices,
pudenda, pudende quidem, nominatis)
voluptas – inquam – quae in veneris usu percipitur
an ad tactum referri debet? I. C. – Affirmat
quidem Fracastorius. Inscitissime tamen, nam si
semen tangatur manu, quo in loco tactus sensus
est in homine exquisitissimus, nec titillabit
tamen, nec ullam excitabit voluptatem.
Alex. – Quaenam est Fracastorij ratio? I. C. –
«Miscella – inquit – rotunde confecta tactui iucunda
est, quare et semen cum sit corpus aequabile, ea
aequalitate ciet delectationem». Civem Veronensem
a rotunditate dulcedinis rationem
deducentem non castigabo, nam ab eo multa
didici, intellectui meo iucundissima. Sed –
ut verum fatear – ab aequalitate non fieri
offensionem credo, cieri autem titillationem
nego, nam scabritiei titillatio et
pruritus non nisi a re paulo inaequaliore et